Iniciación Atletismo

Un ano máis, tivemos a sorte de poder practicar tres modalidades do deporte de Atletismo, como foron os lanzamentos de peso e de vórtex, os saltos de lonxitude e as carreiras de relevos contanto coa colaboración da Gimnástica de Pontevedra da man de Joao (adestrador, atleta e campión de Portugal de 110 metros vaias) e de Iago (adestrador e atleta do clube)

Foi todo un éxito e todos os que participamos na xornada disfrutamos moito e fixemos probas as que non estamos acostumados a facer.

Teño que darlle a noraboa os rapaces e rapazas das clases de 3º e 4º de educación primaria polo seu bo comportamento e o seu esforzo e os adestradores Joao e Iago polo seu bo facer, resolvendo todas as dúbidas que lles preguntaron durante a sesión.

Déixovos aquí a cuartilla que lle deron a cada rapaz e rapaza por si queredes apuntar aos vosos fillos e fillas a que practiquen esta fabuloso deporte do Atletismo.