Ola, ola!!! Estamos de volta coas ultimas fotos vosas que me chegaron. Coma sempre vos digo, enviade tantas fotos ou pequenos videos como queirades posto que o blogue deportivo do cole o formamos entre todxs!!!
Debedes envialas a educacionfisica@cprsanjose.es
.JPG)
Este ano, voltamos a facer a campaña do leite, pola que o noso alumnado pode tomar leite de forma gratuita durante dúas semanas gracias ao programa de Froitas e Leite do FOOGA.
Foi un éxito e para mostra...
Ola, que tal?
Aquí vos deixo as actividades deportivas que teremos o longo deste mes de febreiro. Vedes que xa aumentamos o "ritmo" de actividades!!!
O 4 de febreiro: O alumnado de 3º e 4º de Ed. Primaria terá unha xornada de convicencia deportiva con compañeiros do mesmo curso do CEIP de Cabanas. Nesta xornada faremos os Deportes Alternativos de: Pelota Canadiense, Kickball e Floorball.
O 5 de febreiro: O alumnado de 5º de Ed. Primaria terá a primeira sesión de WATERPOLO a cargo do adestrador e xogadoras do Clube Natación Galaico. Explicarannos o seu deporte e faremos a primeira toma de contacto.
O 6 de febreiro: O alumnado de 3º e 4º de Ed. Primaria terá a primeira sesión de WATERPOLO a cargo do adestrador e xogadoras do Clube Natación Galaico. Explicarannos o seu deporte e faremos a primeira toma de contacto.
O 11 de febreiro: O alumnado de 3º, 4º e 5º de Ed. Primaria visitará as instalacións da Piscina Rías do Sur para facer o seu "bautismo" do deporte do WATERPOLO. Para aproveitar a visita, o alumnado o dividiremos en dous grupos e mentres uns están co WATERPOLO, os outros están facendo a súa iniciación ao deporte do SQUASH da man de Damián do Clube Squash Rías Baixas.
O 11 de febreiro: O alumnado de 4º e 6º de Ed. Infanfil fará unha andaina ata o Museo para facer unha actividade cultural.
O 12 de febreiro: O alumnado de 5º de Ed. Primaria fará a súa Xornada Intercentros con todo o alumnado de 5º de 14 centros escolares de Pontevedra e contorna na Gran Vía Montero Ríos e faremos: ORIENTACIÓN, BAILE MODERNO, XOGOS TRADICIONAIS, RCP-DESA e DXTS ADAPTADOS e INCLUSIVOS.
O 17, 18, 20 e 21 de febreiro: O alumnado de Ed. Primaria terá unha nova sesión de RCP-DESA e Manobra de HEIMLICH coa colaboración da Escola de Enfermería de Pontevedra.
O 18 de febreiro: O alumnado de 5º de Ed. Infanfil fará unha andaina ata o Museo para facer unha actividade cultural.
Dende o 3 ata o 21 de febreiro faremos a formación de RCP-DESA co alumnado de 3º, 4º, 5º e 6º de Ed. Primaria. Xa se vos mandou unha folla para que podades vir vos tamén a recibir esta formación nunha hora dunha tarde, esperando que vos pareza interesante e esperamos contar con vos.
O 27 de febreiro: O alumnado de 3º de Ed. Primaria terá a súa sesión preparatoria de LOITA OLÍMPICA valedeira para a xornada multideportiva do 11 de marzo, co resto de alumnado dos colexios integrantes en ADESPON; impartida polos adestradores da Federación Galega de Loita.
O 11 e 18 de febreiro: formación para nais, pais e familiares do alumnado do colexio de RCP-DESA, para que vexades como traballan os vosos fillxs este tema.
O mércores pasado, o noso alumnado dos cursos de 5º e 6º de ed. primaria, puideron desfrutar unha mañá practicando baloncesto en cadeira de rodas, gracias a colaboración do Clube Baloncesto en Cadeira de Rodas AMFIV.
É un luxo poder facer estas sesións polo cal doulles as gracias aos dous xogadores ingleses do clube Óscar e Flimn e aos adestradores Pablo e Carlos pola súa implicación e saber estar para con nós.
O noso alumnado puido aprender máis acerca da discapacidade e practicar o díficil que é xogar ao baloncesto sentados.
O luns pasado, o alumnado de 5º de ed. primaria, tivo a sorte de contar coa presencia das bailarinas e adestradoras da Escola de Danza Fita Novas, Inés e Nana, almas máter do Baile Moderno desa Escola para preparar a nosa participación na xornada do 12 de febreiro onde coincidiremos con 270 compañeirxs doutros centros escolares de Pontevedra e a súa contorna.
Foi todo un éxito polo cal estoulles moi agradecido a elas e a rapazada pola súa implicación e participación.
Ola, ola, que tal?
No día de hoxe, o noso alumnado de 6º de ed. primaria recibiu o seu carnet persoal de CIBEREXPERTO da man das autoridades correspondentes, o Subdelegado do Goberno, Abel Losada e o Comisario Xefe Provincial, Juan José Díaz Jiménez; despois de recibir a formación dunha hora cada día durante unha semana da man das axentes da Policía Nacional delegadas de Participación Cidadá da Comisaría de Pontevedra.
Teño que informarvos de que ampliamos as actividades deportivas de xaneiro, unha vez confirmadas polas entidades correspondentes.
Teño que agradecerlle as adestradoras que veñen, posto que é un luxo poder contar coa súa presencia.
O luns, 27 de xaneiro - O alumnado de 5º de Ed. Primaria terá a súa sesión de BAILE MODERNO impartida por Nana e Inés, coreógrafa e bailarinas no grupo de Fita Novas que nos servirá de preparación para a Xornada Intercentros do día 12 de febreiro.
O mércores, 29 de xaneiro - O alumnado de 5º e 6º de Ed. Primaria terá a oportunidade de probar o BALONCESTO en CADEIRAS de RODAS no pavillón Pablo Beiro de Bouzas, Vigo; contando coa inestimable colaboración do Clube en Baloncesto en Cadeira de Rodas AMFIV (Vídeo resumo) e continuar coas nosas sesións de sensibilización coa discapacidade.
Despois destas sesións de iniciación ao GOALBALL, xa temos verdadeiros profesionais do deporte, posto que seguen a normativa e practicaron moito e para mostra, vos deixo as seguintes fotos para que o comprobedes:
