Ola, infórmovos dende este blogue das próximas sesións deportivas que temos a semana do 22 ao 26 de xaneiro.
O luns 22, o alumnado de 6º de Ed. Primaria, visitará o CEIP de Cabanas para facer unha Xornada Intercentros cos nenos e nenas dese centro escolar onde practicaremos o Floorball, Kickball e Volei.
O día seguinte, o alumnado de 3º de Ed. Primaria, fará a súa Xornada Intercentros visitando o mesmo colexio que o alumnado de 6º, e practicarán os seguintes deportes: Atletismo, Kickball, Pelota Canadiense e Floorball.
O xoves, 25 de xaneiro, o mesmo alumnado de 3º de Ed. Primaria, terá no pabillón, na súa sesión de E.F., a iniciación ao Tenis impartida polos adestradores do Clube de Tenis Pontevedra que nos servirá de preparación para a gran Xornada Intercentros onde nos imos xuntar con rapaces e rapazas de 3º de Ed. primaria de 9 colexios da comarca.
Todas estas sesións, están organizadas polos mestres de E.F. dos centros educativos que formamos a Agrupación Deportiva Escolar Pontevedra (ADESPONT) e amparadas polo Servicio de Deportes de Pontevedra da Xunta de Galicia dentro do Programa XOGADE.
De seguro que o pasamos xenial, e parte de practicar e fomentar o deporte, conseguimos a inclusión e participación entre sí de todos os participantes, fomentando as relacións personais entre iguais.
