2ª Sesión de Salvamento e Socorrismo

O mércores pasado, 8 de maio, o noso alumnado de 6º de Ed. Primaria realizou a súa segunda sesión do deporte de Salvamento e Socorrismo levado a cabo por David, alma máter e adestrador do Club Salvamento Acuático Pontevedra (SAPO). A parte, compartimos actividade co alumnado de 6º de Ed. Primaria do Ceip Froebel nas instalacións da piscina municipal de Campolongo.

Foi unha sesión espectacular, onde a parte de traballar o indicado na anterior sesión realizada no pavillón municipal, conseguimos a convivencia con rapaces e rapazas doutro centro escolar, e practicamos o interesantísimo deporte de Salvamento e Socorrismo.

Teño que darlle as gracias a David, pola súa gran implicación para con nós, facendo unha sesión maxistral para que alcanzásemos todos os obxectivos por min plantexados.

Tamén teño que darlle as gracias a Gerardo, Director Técnico da piscina e representante da empresa BeOne, concesionaria da instalación, polas facilidades mostradas para que puidésemos facer esta sesión.

Podedes comprobar:

                               

                                                                           

Agora quédanos a 3ª e última sesión que realizaremos na praia fluvial de Pontevedra o mércores, 5 de xuño. Xornada de convivencia final onde xuntaremos a todo o alumnado de 6º de Ed. Primaria de todos os centros escolares que estivemos facendo esta formación ao longo do curso. Será unha xornada...ESPECTACULAR!!!