Última sesión de Dragóns

Onte, o noso alumnado de 5º de ed. primaria, fixo a última das sesións do deporte do dragón na praia fluvial de Pontevedra xunto con outros 7 centros escolares en colaboración co Clube Cidade de Pontevedra de Piragüismo.

Foi todo un éxito de xornada porque a parte de practicar deporte no medio natural, convivimos con outra rapazada doutros centros escolares favorecendo a inclusión entre iguais.

Fixemos xogos predeportivos agardando a que nos tocara subir aos dragóns e finalizamos a xornada cun baño nas frías augas da praia.